ᱫᱤᱠ ᱫᱤᱠ ᱡᱩᱞᱩᱜ ᱠᱟᱱ
ᱦᱟᱹᱨᱠᱤᱱ ᱢᱟᱨᱥᱟᱞ ᱨᱮ
ᱱᱟᱥᱮ ᱟᱹᱨᱥᱤ ᱥᱟᱢᱟᱝ ᱨᱮ
ᱜᱚᱭᱟᱜ ᱜᱚᱥᱟᱜ
ᱩᱫᱽᱜᱟᱹᱨ ᱚᱞᱟᱣᱦᱮᱫ
ᱠᱩᱦᱩᱸᱨ ᱠᱩᱦᱩᱸᱨ
ᱞᱟᱸᱜᱟ ᱟᱠᱟᱱ ᱦᱚᱲᱢᱚ
ᱢᱟᱥᱮ ᱠᱚᱭᱚᱜ ᱮᱢ ᱵᱟᱲᱮ
ᱱᱟᱥᱮ ᱡᱚᱦᱚᱜ ᱠᱟᱥᱚ
ᱪᱮᱛᱟᱱ ᱨᱮᱢ ᱩᱠᱩ ᱟᱠᱟᱫ
ᱯᱚᱥᱟᱜ ᱟᱠᱟᱱ ᱤᱰᱤ
ᱢᱟᱹᱞᱪᱷᱟᱹ ᱟᱠᱟᱱ ᱢᱮᱫᱦᱟᱣ
ᱟᱨ ᱦᱚᱸ ᱛᱟᱹᱦᱩᱸ ᱛᱟᱹᱦᱩᱸ
ᱞᱤᱪᱟᱹᱲ ᱜᱮ ᱧᱮᱞᱚᱜ
ᱯᱚᱥᱟᱜ ᱟᱠᱟᱱ ᱤᱰᱤ
ᱟᱱᱟᱴ ᱦᱟᱨᱠᱮᱛ ᱥᱟᱦᱟᱣ
ᱟᱹᱲᱤᱥ ᱛᱟᱢ ᱵᱟᱹᱱᱩᱜ-ᱟ
ᱨᱮᱵᱮᱱ ᱟᱠᱟᱱ ᱢᱮᱱᱟᱜ
ᱥᱩᱥᱟᱹᱨ ᱟᱢ ᱜᱷᱟᱸᱨᱚᱡᱽ
ᱟᱸᱥ ᱵᱟᱹᱱᱩᱜ ᱛᱟᱢᱟ
ᱵᱟ.ᱱᱩᱜ ᱛᱟᱢᱟ ᱠᱷᱚᱡ
ᱠᱟᱹᱣᱰᱤ ᱵᱟᱹᱱᱩᱜ ᱛᱟᱢᱟ
ᱵᱟᱹᱱᱩᱜ ᱛᱟᱢᱟ ᱠᱩᱲᱟᱹᱭ
ᱮᱱ ᱨᱮᱦᱚᱸ ᱥᱤᱢᱨᱟᱜ ᱥᱮᱛᱟᱜ
ᱛᱤᱠᱤᱱ ᱛᱟᱨᱟᱥᱤᱧ ᱟᱹᱭᱩᱵ
ᱞᱟᱲᱟᱣ ᱟᱠᱟᱱ ᱞᱟᱲᱟᱣ ᱟᱠᱟᱱ
ᱟᱢᱟᱜ ᱥᱟᱱᱟᱢ ᱦᱚᱲᱢᱚ
ᱩᱰᱩᱠ ᱢᱮ ᱱᱟᱥᱮ ᱚᱠᱛᱚ
ᱟᱹᱪᱩᱨ ᱟᱹᱜᱩᱭ ᱢᱮ ᱟᱧᱪᱟᱨ
ᱱᱟᱥᱮ ᱡᱤᱨᱟᱹᱣ ᱢᱟᱨᱚᱡ ᱢᱮ
ᱦᱚᱲᱢᱚ ᱨᱮᱱᱟᱜ ᱞᱟᱸᱜᱟ
Comments
Post a Comment